提起美國德薩斯州，大家一定會諗起近年熱爆賭場同網絡遊戲界嘅德州話事啤。不過，德州其實仲有不少東西好吸引，就好似最近舉辦完嘅德州嘉年華咁，有大量性感舞孃狂跳艷舞，係男人都睇到慾火急升啦！
美國德薩斯州有好多出名嘅嘢，一係燒烤食物，二係我哋細細個就睇開嘅牛仔。此外，德州嘅艷舞亦相當有名堂，呢類艷舞意識誘人之外，亦融合雜技以及搞笑成分，英文則叫做「Burlesque」，有諷刺及詼諧嘅意思，最近舉辦嘅德州諧趣艷舞嘉年華就以呢種表演為主題喇！
為期三日嘅德州諧趣艷舞嘉年華，剛於四月二十四日圓滿結束，吸引超過二萬人次入場。今年大會請到超過六十個艷舞團到場表演，性感舞孃嘅舞姿誘惑，睇到大家慾火爆發。另外，除咗大會舞台，場館不同角落都有表演，好似今年就有靚女喺一個巨型酒杯入面表演即場出浴喇！
Burlesque係一種表演，由西部牛仔年代傳到現代，漸漸被人視為一門藝術。呢種表演，鹹得嚟又夠搞笑，令觀眾睇到拍爛手掌！為令大家深入了解呢門藝術，嘉年華請來專業表演團體，開設工作坊，畀有志表演嘅朋友參加，一齊發揚Burlesque！當然，仲有好多作懷舊打扮嘅靚女入場，大家把酒言歡，一齊盡興！
撰文：賢