有陣時去夜場玩，都感受到嗰班友仔嘅腦筋都幾犀利，例如係無生意時候，佢哋就會諗到辦法去搞活動，又例如好似近期大家都以為因為政局問題，好多人都唔去玩，但其實喺夜場入面都一樣咁精彩。
好似夜場早排就收到風，會有一大班本身係軍佬嘅美國佬會去曼谷，呢班人就並唔係當值，而係成班友仔放假去玩，為數將近有五十人，當中更有人帶佢哋去玩，所以一早就已經訂好場，而呢幾間場為咗招呼呢班兵大哥，當然係美女盡出，而且仲將間場搞到好似拉斯維加斯咁款，搵成班女出嚟跳大型舞蹈，等班美國佬可以有家的感覺。
其實夜場真係好識做，早前刮王都有一大班內地朋友過去曼谷傾生意，呢班人同樣係一行五十人，嗰幾間場更不惜工本，將成間場做到有中國特色，目的就係希望呢班客人有賓至如歸感覺，甚至乎早前有大量日本人過去劈碰一帶玩，夜場亦一早就買入大量清酒，仲要求間場嘅小姐着上和服，所以話就算係當地環境幾唔好，但係夜場嘅生意依然不俗，靚女都係喺度等緊你。
撰文：刮王