大隻君

我以前聽人講，話啲淫娃好鍾意大隻佬，所以就努力健身，練出一身健碩嘅肌肉，點知都係溝唔到女，到底「淫娃愛猛男」呢樣嘢係真定假㗎？

阿諾豬華

朋友，我可以實牙實齒咁話你知係真嘅，事關本人相當大隻，直情可以媲美大隻佬州長，啲女一見我對胸肌就即時發姣埋嚟溝我，晚晚都唔驚冇着落，所以你咁練落去就啱啦！

婉君表妹

唔好咁天真啦！我係女人，我以女人嘅感受話你知，女人最鍾意身形適中嘅男人，太大隻的話只會令我哋覺得好恐怖，好似怪獸。邊有女人鍾意同隻怪獸一齊㗎？

肉骨男

師兄，呢啲坊間流言已經害死唔少人，估唔到你都係其中一分子。我就有名你叫，成身瘦到得棚骨，但係就從來唔憂溝唔到女，皆因小弟性能力勁到無倫！反而成日聽到啲女話大隻佬得個樣，上到床就變做軟腳蟹。所以健身呢樣嘢都係適可而止。