意外其實係可以避免架！就講北上尋歡，家陣啲港客好興邊嫖邊拍，門口又拍、水池又拍、囡囡行騷又拍，當然唔少得直擊整個交易過程啦！有乜用，賽後寫個報告放上網，得到萬千淫民擁戴就係威係勢，實屬笑料，最後咪瀨嘢囉！
好似我大軍有位已婚炮兵哥，由於工作關係要經常北上，等於「攞正牌」沖涼揼骨，衰在人拍佢又拍，攞部手機將整個過程拍低，然後放上網分享，最後畀老婆發現手機「證據確鑿」，離婚收場。
另一位以為自己好小心，用手機拍後，再放上網就即時刪除，以為萬無一失，但原來呢位「師兄」係先將檔案傳送到電腦後，再上載到網絡，最後畀老婆喺電腦發現，唔使審又係反面。
呢件事話畀大家知，意外係自己造成，有家室就唔好學啲單身寡仔咁癲啦！
撰文：大軍