街女搶客

西安作為中國其中一個古老城市，近年街上湧現一班街女，佢哋唔單止衣着性感，更公然喺街上拉客。呢班街女年齡介乎廿五至四十歲，主要集中喺長安區嘅舊式住宅區。由於呢啲地方保安鬆散，而居住喺呢啲地方嘅人，亦以外省民工為主，故此治安較為混亂，因而成為街女嘅集中地。

每到下午四點，街上就會湧現一班衣着性感嘅女人。佢哋會企喺髮廊門口。當見到有單身男士經過時，佢哋就會一擁而上，拉啲男人進入髮廊，然後經髮廊後門上樓曳曳。

屋主睇水

為免被有關當局突擊檢查，街女會同樓上嘅屋主合作，除咗租賃佢嘅房屋作為炮房外，每逢有交易時，屋主就會充當臨時保安，企喺髮廊門外睇水。當見到有警察嚟到時，佢哋會第一時間拉閘，然後帶客人從後門離開。

據知情人士透露，因為街女嘅租金比一般租客為高，而每次接客屋主會有分紅，所以有屋主唔單止幫忙睇水，甚至主動請纓幫手拉客。另外，呢啲街女每四十五分鐘收費僅為七十人仔，故此甚受當地男士歡迎。喺利益嘅驅使下，難怪街女公然喺街上搶客！

撰文：阿豪