力保客源

有留意經濟新聞，都知道美國接二連三有大企業宣告破產，當地人心惶惶，消費力弱嘅情況下，夜生活大受影響，生意額大減。行內人士立即要絞盡腦汁，力挽狂瀾！諗嚟諗去，最首要嘅都係力保現有客源，咁點樣可以令人客唔會流失呢﹖

醉翁之意

以往市道一差，減價係最有效方法，但去到呢個階段，嫖客連食都想慳，又邊有心機「叫雞」呢？於是就有夜場諗出新玩意──上門煮意粉，既可食又可砌，一舉兩得也！咁抵食夾大件，梗係吸引到嫖客幫襯啦！至於服務包括囡囡上門煮食，但只限意粉，事關煮法簡單快捷，喺兩小時服務內，煮完食埋仲有時間砌！

好唔好食？相信冇人在意，事關醉翁之意，嫖客都係想趁囡囡煮嘢食期間，有如色狼喪抽水。好食與否，又邊會計較咁多呢？

大受歡迎

由於玩法實在太受嫖客歡迎，加上收費合理，普遍由70至200美元不等，已包括一餐及執一劑，視乎質素而定，難怪玩法幾乎傳遍美國，大家可以喺美國網站搵到不少「上門煮食」服務廣告，十居其九都係提供色情服務，主要針對一眾單身寡佬，平日三餐都喺街外搞掂，孤伶伶食晚飯，確係好冇癮。

家陣有囡囡送上門煮飯，飽暖思淫慾，執完一劑，囡囡拍拍籮柚走，嫖客冇手尾跟！有嫖客表示呢個「上門煮食」最大好處係快！「囡囡邊煮意粉，我一邊抽水，完全冇浪費任何時間，到煮好時，對方仲會餵我食，確係非常浪漫！若然唔肚餓，搞完再食都仲得！」香噴噴嘅意粉餵畀你食喎，真係窩心到喊啦！

撰文：祖