曼谷呢一輪又開始有示威，對於刮王呢類長期喺呢度工作嘅人嚟講，真係已經無太大感覺，因為呢度嘅治安其實相當安全，但係對於唔太清楚嘅外地遊客嚟講，就可能有多少影響，因為佢哋會怕亂而唔敢嚟玩，咁嘅情況對於夜場工作嘅小姐嚟講就係影響最大。
自我宣傳
刮王前幾日同一位夜總會小姐傾開，佢話自從過咗暑假之後，外地嚟嘅遊人已經少咗，依家加上話要示威，所以真係搞到無淡好食。所以佢同好多小姐都會用唔同嘅方法，希望可以做到更多生意，其中一樣就係搞個網頁，或者係影個人相之後寄畀舊客人。佢話可以的話，都會同每位客人攞聯絡電話，以便日後可以聯絡，而佢依家就係會自己搞個網頁介紹自己，又或者係影吓自己嘅近照畀客人，等佢哋知道自己存在。
半賣半送
大家可能會覺得以上嘅宣傳手法無用，但小姐話喺呢段日子係淡季，但大可以同舊客人傾個合理價錢，舉例就係五千銖陪玩兩日，同客人去食吓嘢同行街，夜晚就梗係返房再戰，佢話呢種玩法仲簡單，總之就出租自己兩日任客人玩，半賣半送咁，點講條數都好抵，呢位小姐話呢個星期開始佢已經接呢一類舊客，計落都搵到食。依家最重要係希望唔好再有示威，如果再次連機場都封埋，咁佢就真係食穀種。
撰文：刮王