最緊要放鬆

性交後出現十分疲累嘅感覺，正正係患上一啲小病嘅徵兆，例如貧血、低血壓、高血壓、甲狀腺病變、同埋糖尿等病，都會出現性交後疲倦嘅徵象，另外長期欠缺運動，一場性交已經將體力透支，咁雖然仲未生出病嚟，但離患病嘅日子已經不遠。

如果呢種整天頭昏腦脹，疲倦乏力，好像大病一場咁嘅情況，持續幾天，甚至七日至會好轉，咁你嘅問題已經到咗非常嚴重嘅地步，建議你馬上睇醫生好好接受治療，如果再唔小心自己嘅身體，下一步就會走路不穩，智力衰退，甚至大小便失禁。而中醫認為出現咁嘅情況，主要係血氣兩虧所引致，一定要好好固本培元，另外，性交後不要馬上抱頭大睡，要好好令自己放鬆，使交感神經鬆弛落嚟，如果有體力嘅可以落床走動一下，飲啖水睇吓電視，之後再去洗個澡，令自己更放鬆。

咪沖冷水浴

性交後千萬不要沖冷水浴，由於本身元氣不足，性交後突然再受冷水刺激，可能令濕寒入體，引發肺部疾病，而且淋浴嘅主要目的，就是希望讓身體放鬆，再用冷水嚟刺激身體，會將肌肉再度收緊起嚟，建議沖暖水浴，讓身體血液循環嚟消除疲倦感。

另外，要注意飲食同埋多做運動，每日十五分鐘嘅帶氧運動，係十分重要，只要持之以恒咁去鍛煉身體，性交後疲倦嘅感覺就可以不藥而愈，仲一樣最重要，就係保持心境開朗，不要有負面嘅訊息，心理得到健康，生理上嘅問題，亦會得到痊愈。

撰文：豪