兩個人一出深圳，就坐大巴車上東莞，點知竟遇上大塞車，一坐就三個鐘，搞到發叔計劃大失預算，於是先去髮廊街揀女，直奔發叔去開嘅酒店準備入住。點知客人太多，只得番一間房，發叔先上，點知十五分鐘就走番落嚟，原來發叔件青春玉女，係隻「光雞」，於是即刻叫囡囡着衫走人。

跟手到阿貴上房，點知鴛鴦戲水嘅時候，竟然整爆咗個水龍頭，漏水出房，於是要緊急維修，但一時又冇房換，於是只好着衫返落大堂，之後發叔決定走去幫襯酒店骨場，諗住穩陣。去到酒店骨場，兩兄弟各自上房搵食，點知發興奮得滯，同囡囡喺房間追逐期間，竟然扭親腳踝，立即叫車送去睇骨科，而阿貴就攰得滯，畀囡囡按摩按到瞓咗，囡囡叫醒佢嘅時候，只剩低五分鐘時間。於是立即採取行動，囡囡亦十分識做，話幫佢一把，阿貴竟忍唔住走火收場，正想加鐘再戰，但又收到發叔受傷嘅消息，兩人直認夠晒黑仔。

睇完醫生諗住兩人惡運已過，點知仲差啲遇上小偷，發覺運程實在太差，於是立即趕車返香港，去到羅湖竟然啱啱拉閘，唔忿氣再趕車去落馬洲，兩人終於全身而退，但乜好嘢都食唔到，就使咗幾千蚊，發叔揚言以後都唔跟黑仔王阿貴同行。

小德