撰文：賢 攝影：強
捽走疲勞
聽好多女仔講過，最怕就係男人身上嘅汗味，就算你係畢彼特咁有型靚仔，滿身汗味的話，女仔都會敬而遠之。所以，好多女仔同男士行埋之前，都會嚴正聲明男方一定要沖乾淨先好埋身。當然，一個人沖涼真係好悶，所以男方又會希望女方可以共浴，順道於浴室內進行前戲。撇開前戲唔講，淨係共浴其實都需要一定技巧，咁先可以沖得開心，沖得暢快。
來自澳門大×豪桑拿殿嘅Vivi就話：「大家唔好以為男女共浴鹹濕喎！因為一齊沖涼可以增加感情，絕對有助增強彼此溝通，而且仲有助洗去一身疲勞添！因為大家身上有梘液嘅潤滑效果，就可以互相按摩一番，不過最重要都係用手指落力捽，一來可以洗得更加乾淨，二來又可以令對方肌肉得到鬆弛，成身疲勞轉眼之間就捽走晒啦！」
針對穴位
Vivi講得好有道理，因為兩個人沖涼的確可以增加感情，好似小記咁，小時候都經常同大哥一齊沖涼，大家一邊沖一邊傾偈，仲可以幫對方擦背，培養到良好嘅兄弟情。
而提到擦背，Vivi嘅好姊妹Thoy就話：「擦背唔單止可以增進感情，仲有促進健康，甚至係壯陽效果㗎！首先，用適當力度擦背，可以促進血液循環，擦完之後成個人都精神好多。另一方面，背部其實有好多穴位，例如近尾龍骨位置就屬於腎俞穴，適當用手捽吓呢個穴位，有助刺激經往腎臟嘅經絡，從而令腎臟機能增強，對壯陽有正面功效。若果想增強對呢個穴位嘅刺激，擦完之後，可以用花灑沖多幾下，沖嘅時候可以冷暖水交替使用，咁就可以將刺激進一步加強喇！」
洗淨頭部
背脊唔乾淨，就好似背負住好多污漬一樣，唔單止周身唔自在，仲會覺得身體負荷加重，能夠捽到乾乾淨淨，的確成個人精神爽利，疲勞盡消。此時，Vivi又話：「背脊洗乾淨仲未夠㗎！因為仲要洗埋個頭，咁先算真係乾淨。」Vivi你想講邊個頭先？
Vivi話：「梗係有頭髮生出嚟嗰個頭啦！如果唔洗埋，頭髮好容易就會產生難聞嘅異味，嚴重影響閨房之樂㗎！不過，洗還洗，同樣都要用手指捽幾捽，順便幫個頭按摩一下！因為，頭皮都有好多穴位，適當按摩就可以達到鬆弛神經，紓緩緊張情緒嘅效果，更加可以令人精神集中，對於後尾嘅閨房之樂有正面作用，因為你如果集中唔到精神，又點可以感受到愉快嘅纏綿快感呢？」
Vivi Profile
年齡：23
三圍：34、23、34
興趣：沖泡泡浴
Thoy Profile
年齡：24
三圍：35、23、34
興趣：擦背