暴食減性趣
所謂人一世，物一世，好多人都認為有得食就要盡情開懷大吃大喝，咁先唔會對唔住自己。不過，有道物極必反，暴飲暴食往往令人體超出負荷，繼而令健康出現問題。
日本水着女優南明奈亦深明呢個道理，所以勸誡大家任何事都唔可以過量，南明奈話：「我以前都好為食㗎！最鍾意就係食自助餐，每次返埋位我都一定捧住載滿食物嘅大碟，然後不停狂擦。可能就係因為咁，早幾年我可以話係肥妹仔一名。不過，當我發覺身邊嘅女仔好多都有男朋友嘅時候，我就知道肥妹仔對於男仔的確係缺少一份吸引力，為咗成功爭取男士嘅注目，所以我就決心減肥，唔再暴飲暴食喇！幸好，經過控制飲食以及充足嘅運動之後，家陣我不單止身材苗條，身體仲相當健康。及後，我仲知道肥胖人士因為身體太大負擔，所以顯得比正常人懶洋洋，唔願郁，會漸漸對其他事情失去興趣，當中仲包括房事添！真係慶幸自己及早減肥喇！」
細意品嘗
南明奈所講嘅說話亦不無道理，因為好多肥人經常被人批評只係識食同瞓，要佢哋做運動都幾難，最多都只係郁吓隻手指，按電視遙控器轉台而已，需要頗大體力嘅房事佢哋亦可能失去興趣喎！
另一位水着女優松本夏空亦都表示，食嘢同房事一樣都唔可以過量，最好就係恰到好處。夏空妹話：「南明奈講得真係有道理㗎！暴飲暴食對健康往往有壞影響，最慘就係容易令人變肥，對於我哋女仔就最危險！所以我為咗保持身材纖瘦，每日都只會食適量食物，而且仲會配合大量運動維持健康。坦白講，控制飲食不但有助減肥，其實仲可以令大家真正感受到食物嘅滋味㗎！因為每次進食小量食物，令你不自覺咁細意咀嚼，慢慢嗒真當中嘅味道，自然令你回味無窮。就好似男女交歡咁，久唔久嚟一次，就可以有更深刻嘅快感喇！」
感覺麻木
夏空妹講得冇錯，所謂少食多滋味，若果有機會畀你日日食魚翅，食得多你都會覺得厭啦！南明奈呢個時候又話：「咪就係囉！我本身好鍾意食海膽，貪佢鮮甜又甘香。有一次，我男朋友買咗幾板海膽同我一齊食。開頭真係覺得好味，但係食多幾啖之後，雖然我仲未食到厭，不過就已經令我對海膽嘅鮮甜美味感到麻木，唔再似第一啖食得咁滋味喇！」古語「如入鮑魚之肆，久而不聞奇臭」就係咁解啦！
南明奈繼續話：「其實我哋不斷重複做每一件事，都好容易令身體慢慢適應，繼而令感覺變得麻木！味覺容易麻木係一個例子，而男女交歡得太多太長亦都可以令感覺出現麻木！因為我聽一個女性朋友講過，佢同男友血氣方剛，每日都不停交歡，簡直係由朝做到晚。起初都會因為呢種狂野激情而感受身心舒暢，但係日子耐咗，感覺已經冇以前咁爽，最後仲差少少就對性事提唔起興趣添！所以話，每樣事物都係適可而止，一過量就會令感覺大不如前喇！」
撰文：賢