早排約咗個女性朋友出嚟飲茶，睇見佢手臂青一塊瘀一塊，仲以為佢畀老公打，細問之下，原來佢每次同老公做愛時，對方都會相當肉緊，拚命咁捉住佢雙手及雙峰以求刺激，結果每次完事之後，都會搞到好「瘀」。基於女性貪靚心態，想快速去瘀，除咗藥物幫助，食療亦係唔錯嘅方法。
女性皮膚嬌嫩，做愛之後好易搞到「畀鬼搣」咁款，但其實係皮膚微細血管破裂而致，稱為「毛細血管破裂症」，需要修補先可以解決問題。至於修補物，有路丁、黃酮、黃酮醇、檸檬素、橙皮，顧名思義，可以多食橙乃至橙皮，仲有檸檬，都有修補作用，亦可以嘗試捶爛橙皮，或加一啲橙葉捶爛一併敷上。值得一提係橙皮下白色部分，含有最豐富路丁，所以亦可刮取與肉類一起煮食。問題得以改善，出街就唔怕尷尬啦！
娟娟