擁有和諧性生活嘅男女，兩人關係都會好啲，可惜唔係每個人都咁知情識趣，每當知道伴侶有需要時，可以立即作出配合。想知道你嘅另一半係咪一個毫無情趣嘅人，同佢玩吓以下心理測驗就可以一清二楚。
問：你打算同屋企人去酒樓飲茶，去攞位時發現大排長龍，你會點做呢？
A. 唔等返屋企 B. 繼續喺度等 C. 去另一間酒樓
分析
A. 半途而廢
情趣指數：20%
你為人性格懶散，做事成日半途而廢，應承完又反口，令身邊嘅伴侶無所適從。喺床上面亦係一樣，經常等對方做完前戲、慾火高漲嘅時候先嚟嗌唔好，次次咁樣谷住谷住，小心搞到伴侶性無能。
B. 態度強硬
情趣指數：50%
你十分堅持己見，認定咗嘅事就唔會改變，絕對冇商量嘅餘地。當你冇Mood嘅時候，任憑伴侶用盡方法，或者軟語請求你都唔肯就範，但當你有需要嘅時候又要伴侶隨傳隨到，遲早令佢對你厭煩。
C. 盡量配合
情趣指數：90%
你性格溫馴，唔係好識拒絕別人，對住伴侶更加係千依百順。對於伴侶嘅性要求，只要你唔係身體不適，又或極度疲累，你都會願意迎合，而且仲會盡量做到最好，絕對係一個百分之百嘅好情人。