好多校園情侶情到濃時，就會好想有啲親密嘅舉動，但又怕畀人睇到，於是好多時就會喺枱底下面用腳你踢吓我，我踢吓你，本來都幾好玩嘅，但一定要小心，千祈唔好學今日推介嘅奇趣短片主角咁大頭蝦，用隻有「料」嘅腳去踢女友，至於有咩嘢「料」，大家睇落去就知道。
阿祖同阿花係大學裏面嘅一對情侶，郎才女貌，兩情相悅，今日佢哋就喺上課嘅時候，用腳挑逗對方。
但阿花突然發現唔多對路，而且聞到陣陣惡臭，於是探頭一望，畀佢發現真相，即時破口大罵阿祖。
阿祖一望，原來隻波鞋中咗「地雷」，咁都掃落阿花嘅大腿，難怪畀人痛罵一頓，下次記住小心啲啦。
小德