最近娛樂圈有幾對情侶分手，搞到不斷有新聞見報，好多人都問佢哋可唔可以復合，或者再見是否朋友？其實只要做吓以下嘅心理測驗，就能夠知道舊情人仲愛你有幾多。
問題：假設你哋喺一個公園裏面提出分手，事後對方轉身就走，佢會經過乜設施離開？
選擇：
1）從花園邊跑出去。
2）從樹林下跑出去。
3）從水池邊跑出去。
解釋：
1）從花園邊跑出去。
花開花謝，是大自然嘅現象，意味你嘅舊情人只是一時衝動，分手後仍然時時刻刻惦記着你，時間可以令佢清醒過嚟，到時對方可能會主動返嚟搵你復合，建議你暫時按兵不動。
2）從樹林下跑出去。
大樹枝葉茂盛遮擋着陽光，樹下時晴時暗，意味對方偶爾還會想起你，但會受外在環境或者人為嘅因素所影響，如果想復合，就要主動出擊，顯示你對佢如陽光般嘅愛同關懷。
3）從水池邊跑出去。
水池嘅水流動不定，意味對方現在仍然對你有充滿怨恨，唔想同你聯絡，更唔想同你復合，對呢段感情徹底淡忘，只係你依然念念不忘。復合嘅事有如水中倒影，全屬幻像，死心吧。
小德