本文重點
今日小娟同埋阿花，放學之後就去咗間新商場買嘢，一上到去，發現人山人海，阿花話：「呢個商場真係墟冚！」小娟話：「可能開咗好多新店，我哋逼入去睇吓！」於是兩個學生妹，就喺人群中逼嚟逼去，終於畀人群逼咗入一間店裏面。
店主係一個三十多歲嘅男人，見到有兩個學生妹入咗嚟，於是馬上招呼，店主：「兩位靚女，想買啲乜嘢呀？」阿花問：「你呢度新開㗎？」店主話：「啱啱尋日至開張，見你哋兩個同我咁有緣，今日買嘅所有嘢，一律打八折畀你哋！」
小娟大喜再問：「你呢度有乜嘢好嘢賣？」店主笑淫淫話：「我哋呢度乜嘢好嘢都有得賣，無論男人女人，大人定細路，只要有需要嘅，喺我哋呢度都可以買到幫佢哋解決需要嘅嘢，唔知兩位又有乜需要呢？」小娟：「阿Sir佢有啲……」
店主一愕：「你阿Sir？」小娟：「喺呀！佢最近冇晒心情，做乜嘢都提唔起勁，連同我玩都冇厘反應，你呢度有冇啲乜嘢，可以令佢變番以前咁樣？」店主諗一諗：「要重振雄風，一於買偉哥喇！」阿花同小娟一怔：「買偉哥做乜呀？」
各位聰明嘅讀者，大家又估唔估到小娟佢哋畀人逼咗入一間乜嘢商店裏面呢？
1.入咗一間成人用品商店
2.入咗一間賣中成藥商店
3.入咗一間三級片專門店
4.入咗一間影音器材商店
答案：1.入咗一間成人用品商店
解釋：商場連開幾間新舖，於是人山人海，小娟畀人逼咗入一間成人用品店裏面，咁啱史Sir患有感冒唔舒服，於是同佢哋上體育堂嘅時候，冇厘精神，玩遊戲都冇反應，但畀小娟講到一舊舊，店主誤會，仲以為史Sir唔掂，於是咪介紹小娟買粒偉哥嚟解決問題囉！
小德