最近有個女性朋友向我投訴，話佢個男人親熱完之後就呼呼大睡，搞到佢好冇癮，其實呢個情況非常普遍，好多男人大幹一場之後，就急需要睡眠休息，但女人就唔係咁需要，有時仲會鬼打都冇咁精神，好想搵人嚟陪佢傾吓偈。
喺呢個時候，好多老婆都唔會體貼個老公，要佢起身陪佢吹水，但據美國生理學家指出，從眾多調查數據中顯示，發現睡眠非常影響一個男性嘅性能力，專家話，男性如果有充足嘅睡眠，佢嘅堅硬度同埋耐力都會比睡不足嘅人強兩倍以上。
原來男性嘅生殖器官需要足夠嘅睡眠時間嚟回氣，當佢瞓夠嘅話，喺夢中就會間斷地勃起，專家稱為「睡眠勃起」，每次時間可達一小時，過程完全不自覺，老婆唔知仲以為佢發緊綺夢，其實係身體嘅自然現象，讓帶氧嘅血液流通，為器官進行補充。
所以如果佢瞓得愈好，佢就會有愈多勃起嘅現象出現，亦都代表佢嘅性功能愈能夠回復，當佢下次再用嘅時候，就更能充分發揮威力。所以做太太嘅，千祈咪搞住老公瞓覺，半夜老公勃起，千祈咪踢佢落床，事關佢做嘅一切，都係為咗你㗎咋。
小德