玩紅色並唔係我哋中國人專有，喺好多亞洲地區嚟講，紅色都係代表住幸運。就以泰國為例，紅色都係佢哋嘅幸運顏色之一。
呢個月中係泰國新年，即係潑水節，唔少夜場為咗大事慶祝，都會舉辦相關嘅活動，以增加節日氣氛，情況就同我哋過年一樣。
滿場紅衣
刮王去過好多間夜總會，入面大部分小姐都着上鮮紅色嘅衫上場，睇落去就好似中國人過年一樣。但係其中一位當地人就話，其實紅色並唔係佢哋嘅主色，早年泰國未開放嘅時候，佢哋過年係以白色為主，呢樣嘢係無得解釋，總之白色就係代表住幸運，但係自從五六十年代唔少華人到泰國搵食之後，文化就受到唔同程度嘅衝擊。
與時並進
呢位當地人仲話，依家嘅慶祝過年，就好似中國人過年一樣，但係如果你去到泰國較為南部嘅地區，當地人仲係相當傳統，唔似得曼谷咁已經變成一個商業城市，已經無晒自己。
聽到呢度真係覺得呢位老人家應該要開放一下，依家最重要係同國際接軌，香港人過中秋節食嘅月餅夠已經唔同晒，有雪糕又有咖啡，咁唔通話無晒自己咩，就夜場而言，最重要係可以吸引到客人，有無自己？最重要似乎係要有錢有生意。
刮王