朋友阿欣向我投訴，話佢啱啱識咗唔夠一個星期嘅男朋友，竟然飛擒大咬，有晚車咗佢上飛鵝山，就想同佢有進一步嘅關係。好彩阿欣機警，先至可以脫身，事後阿欣問我點樣可以知道男朋友係咪一個急色嘅人，我話非常簡單，做以下心理測驗就可以知道。
情況：突然好想食雪糕，你會選擇買邊款雪糕嚟食呢？
選擇：1.軟雪糕 2.甜筒 3.新地
解釋：
1.軟雪糕
急色指數：100%
選擇買軟雪糕嚟食嘅朋友，欠缺忍耐力，當自己有所欲求時，只想馬上得到滿足，所以當佢哋見到心儀嘅女孩子，絕對會變為一個急色鬼。所以如果男朋友係鍾意食軟雪糕嘅，認真要小心，千萬不要跟佢去一啲冇乜人嘅地方，孤男寡女共處一室，一定會有損失。
2.甜筒
急色指數：40%
如果選擇食甜筒，你會有一套約束自己嘅規矩，算係一個循規蹈矩嘅人，所以就算女孩子主動挑逗你，你都會不為所動。見到男朋友愛食甜筒，你認真放心，就算去佢屋企一齊瞓覺，佢都唔會手多多，但呢種人比較笨，要女仔做主動。
3.新地
急色指數：70%
如果男朋友選擇食新地，據分析佢係一個有要求、有啲品味嘅人，佢要喺特定嘅情況下至起色心，如果唔觸及佢嘅死穴，佢亦會係一個謙謙君子。男朋友揀食新地，你要特別小心，了解佢嘅死穴喺邊，冇事唔好點佢，想曳曳保證一撻即着，萬試萬靈。
小德