撰文：小德
少年摧花手
呢兩個識花之人，都係嚟自澳門嘅富×夜總會，佢哋一個係今年21歲嘅宣宣，擁有模特兒咁嘅身材，而另一個，就係今年19歲嘅園園。咪睇兩個樣子清純，斯斯文文，但只要同佢哋一講起花，佢哋就會雞啄唔斷。
宣宣話：「我細個嘅時候唔鍾意花，甚至有啲討厭添！所以當春天漫山遍野開滿花嘅時候，一放學我就會聯群結隊，攞支木棒走上山，將啲花打到爛晒，咁我哋就可以好開心咁返屋企，講起嚟都有啲變態，但細個嘅時候就係鍾意咁玩。」
咁後來點解會一百八十度轉變嘅？宣宣話：「一直到高中嘅時候，學校有一個園藝組，因為負責嘅師兄係學校裏面出名嘅帥哥，於是我咪跟住幾個女同學一齊參加，目的就係想見多佢兩面，借機親近佢。」
後來一定係畀佢嘅愛打動咗啦！宣宣搖搖頭：「個師兄實在太多人追，我插針都插唔入，惟有跟住人哋玩，後來識咗我嘅初戀男友，佢都係組員，教咗我好多嘢，仲同佢一齊種咗一盆花，當開花最靚嘅時候，佢就當生日禮物咁送咗畀我。」
見花如見人
後來又點呀？有冇失身畀佢呀？宣宣話：「後來我哋咪拍拖囉，畢業後佢要去好遠嘅地方打工，我哋被迫分開，我當然好傷心，後來佢安慰我話：「日後只要見到啲花，就等於見到佢，要我笑笑口對住啲花。」
宣宣話：「其實花有好多地方係好值得我哋去學習嘅，唔好講咁遠，單係學習花對生命嘅態度，已經好夠用，例如生命不在乎長短，只在乎有冇曾經充分發揮過自己，呢句話我時刻都要嚟警惕自己，唔好浪費時間，努力做好身邊每件事情。」
另一位靚女園園，又點睇啲花呢？園園話：「我曾經喺花店做過一段日子，所以對花都有一啲認識，雖然唔可以叫做專家，但常見嘅花我都知佢哋嘅名，而且知道點樣去照顧同埋打理佢哋。」
園園繼續：「我冇宣宣咁多經歷、對花咁多感覺，但我覺得花好靚，令人好想保護佢，而且將大束嘅鮮花放喺屋企，可以帶畀人充滿生命力嘅感覺，成間本來死氣沉沉嘅房間，都會馬上變得充滿朝氣，所以好多人探病都會送花，真係最適合。」
鮮花鴛鴦浴
咁你想做照顧小花嘅人，定係想做小花畀人照顧呢？園園話：「如果有機會，我梗係選擇做畀人照顧嘅小花啦，乜都唔使煩，有人照顧晒我嘅一切，你話幾好呀！當然，呢啲嘢係互動嘅，如果佢對我好，我都唔介意照顧番佢嘅。」
園園對花仲有乜嘢感覺？園園話：「花除咗靚之外，仲有好多用途，例如可以入藥，好似五花茶、菊花茶之類；另外有啲花曬乾佢可以直接要嚟泡茶，例如桂花、玫瑰花、苿莉花等。另外乾花仲可以製成香包，令全屋都香晒。」
原來花有咁多用途，真係唔講都唔知，園園話：「我就最鍾意歎鮮花浴，即係喺浴缸裏面放滿唔同嘅鮮花，跟住全身浸落去廿零分鐘，除咗對皮膚好啲，聽講連血氣面色都會好啲。」咁會唔會叫埋愛人一齊浸呀？園園話：「如果浴缸夠大都會㗎。」
兩個囡囡好明顯都係識花之人，雖然理解各異，態度唔同，但都係對花贊不絕口，而且都係覺得喺花裏面，可以學到好多嘢。所以想自己嘅眼光闊一啲，唔使請教啲乜嘢大師，不妨向唔起眼嘅小花學習，話唔定靈光一閃，畀你悟出啲大道理添。
園園Profile
年齡：19歲
三圍：34、24、35
興趣：浸花浴
宣宣Profile
年齡：21歲
三圍：33、23、34
興趣：種花