破壞氣氛
索女Erina加入水着界已有一年多，喺呢段時間裏面，可以話遇過唔少有趣嘅「斷纜」經歷，好似到沙灘拍攝寫真時，因太多途人圍觀而阻礙進度。不過，最令佢感到冇癮嘅情況，就發生喺同男友約會嗰陣。
Erina話：「由於工作關係，我同男友嘅見面時間已經少之有少，所以難得有機會出街，我都會非常珍惜一分一秒，但奈何每次都總會遇上阻滯。好似喺上個星期，我哋去一間高級餐廳食飯，然後到沙灘漫步，喺浪漫嘅氣氛之下，我情不自禁同男友親吻起嚟，點知錫咗一陣，男友嘅電話突然響起，原來佢公司出咗問題，要立即返去處理。既然男友係為咗正經事，我當然唔會阻止，但一個近乎完美嘅約會，無端端畀個電話搞垮，真係非常無奈。」雖然Erina內心有啲唔高興，但男人始終應該以事業為重，惟有默默等待下一次約會來臨。
賽事腰斬
Erina嘅經歷，相信大家都有可能遇過，但原來仲有一個情況，若然被電話打擾嘅話，同樣令人冇癮到暈。另一位水着妹赤井沙希就最清楚呢種感受，佢話：「呢排都唔知點解行乜嘢衰運，每次同男友開心到半路中途，都會畀啲無聊電話打擾，好似有次喺男友屋企撐抬腳，然後歎紅酒兼睇碟，或者受到酒精影響，男友雙手開始唔規矩起嚟，一輪熱身運動之後，見男友進入狀態，諗住入正題，點知呢個時候個電話突然響起，最後嗰個電話原來只係宣傳廣告，破壞晒啲氣氛，激死我呀！」沙希嘅遭遇又真係幾慘嘅，為免遇上類似情況，睇怕大家開心時都係熄電話穩陣啲！
臨場執生
雖然中途斷纜嘅感覺並唔好受，但佢哋認為，遇上類似情況，就算埋怨都於事無補，最重要識得包容及隨機應變，設法補救。Erina話：「男友成日唔得閒陪我，梗有啲唔開心，之不過佢只係為咗工作，所以我絕對唔會介意。相反，我會不時Send短訊去鼓勵佢，叫佢畀心機啲工作，甚至玩吓情慾電話！你知啦，男人寂寞就會身痕，我咁做一來可以逗佢開心，二來滿足佢心理上嘅需要，至於生理上嘅需要，就要靠佢自己喇！」Erina講得冇錯，男人應該以事業為重嘅，掛住拍拖搞到冇咗份工就唔好啦！
如果開心途中被打擾嘅話，沙希就有以下解決方法。「開心呢樣嘢，梗係一氣呵成先夠暢快，為咗彌補男人心理上嘅不快，我覺得最佳方法就係主動出擊，好似利用小嘴去服侍對方，令佢再次投入，直到回復最佳狀態，自然可以玩得盡興啦！」識得臨場執生，兩位索女認真醒目。
赤井沙希Profile
出生日期：1987年1月24日
身 高：174cm
血 型：A型
三 圍：33、24、35
Erina Profile
出生日期：1987年1月7日
身 高：156cm
血 型：A型
三 圍：32、23、33
撰文：娟娟