全新戰衣型格登場 港隊×Teqball考勻心體技

近年多款新興球類運動掀起熱潮,其中與足球關係密切的Teqball絕對是不少人追捧的運動之一,4位男女香港足球代表隊成員及教練,包括黃洋、徐宏傑、鍾貝琪及張健峰,近日就換上一身由NIKE推出的全新型格港隊戰衣,來到將軍澳賽馬會足球訓練中心(FTC),一嘗這項講求「心體技」運動的滋味。圖/文:林卓臻

Teqball發源於匈牙利,集合足球、兵乓球及排球三大元素於一身,想要玩得出色,參賽選手的技術、體能及敏捷度缺一不可。身為港隊資深成員的傑志隊長黃洋,坦言自己第一次有機會嘗試這項新興運動:「球會都有兩個Teqball枱,不過因為太受歡迎,排唔到隊,畀隊中巴西球員霸住玩。我自己都有去巴西練習嘅經驗,當地人真係好鍾意玩,都係好考驗技術,而且好有樂趣。」除了單打,4名球員參與的雙打場面,亦是Teqball 運動的常見項目,「大哥」就認為找對拍檔很重要:「始終玩2打2係好玩啲,咁你嘅拍檔就會非常之緊要。」當日與「大哥」搭檔的,有港隊女足代表鍾貝琪,早前曾外流蘇格蘭的Vicky,覺得Teqball適合所有人參與。

最啱做賽後恢復訓練

人稱「GPS峰」的香港代表隊教練張健峰,球員時代最得意的絕技莫過於精準傳球,他認為玩Teqball亦需要一定精準度。現時世界各地不少足球隊,都有將Teqball融入訓練當中,身為教練的「張峰」,亦覺得這項運動,對球員改善基本功有很大幫助:「Teqball好講求控球技巧,無論係大髀、心口、頭、腳面、掃把腳,腳外側,咩部位都會運用到,同埋都要講求靈敏度,如果年紀越細嘅球員,早啲接觸呢啲嘅時候,我相信佢哋可以打好技術根底。」至於港隊守將徐宏傑,則覺得Teqball能成為球隊訓練中,一項令球員放鬆心情的活動:「比賽後做恢復訓練期間,(玩Teqball)可以令比賽氣氛變番輕鬆。」

當日的另一焦點,落在4位身穿的全新港隊主客場球衣及教練服上,其中黃洋及鍾貝琪就穿上香港隊紅色主場球衣,相當醒目,現年37歲的「大哥」作為港隊陣中領袖級人物,對穿上港隊戰衣的意義,有自己的一番見解:「其實每一次港隊新波衫都非常之期待,首先我覺得圖案都幾靚,而第二個層面上,其實每次着起香港隊波衫,都要提醒自己,無論有冇機會再入選港隊,入到場就要為香港球迷爭氣,呢個係波衫對我哋嘅意義。」

新球衣圖案有香港特色

而Vicky就認為新主場球衣的顏色比以往更鮮豔,很符合自己心水,尤其對球衣上的圖案讚不絕口:「你會見到啲圖案,其實睇真啲,係好似啲高樓大廈,就好似香港咁樣,都好代表到呢度嘅特點。」徐宏傑身穿以白色為主色,配以橙色邊的新港隊作客球衣,他認為簡約設計是賣點之一:「我呢件睇落好似簡單啲,自己其實係鍾意簡單,同埋着落去係好舒服好薄,感覺幾好。」

張健峰則希望看到球員穿上新球衣,能展現出良好精神面貌,並寄望新球衣能得到球迷喜愛,從而吸引更多人入場支持香港代表隊。