牧野澪菜 迷你版藝能女王

日本影視曾經風靡一時,雖然近年氣勢下滑,不過仍有唔少支持者,不少有樣貌又有演技嘅日本女星的確值得捧場,例如北川景子就係小弟最欣賞嘅女星之一,但近期佢掛住照顧家庭,活躍度大減,相反有「迷你版北川景子」之稱嘅寫真女優牧野澪菜,最近就相當活躍,人氣更係愈來愈高添!

廟細燈籠大

師傅教落,個人生得唔夠高大唔緊要,做人最緊要係心頭夠高,定好理想之後就努力奮鬥,名成利就嘅時候,就唔怕冇女埋身啦!咁又係喎,歷史上好多偉人都唔係高大威猛,而喺日本寫真界亦係一樣,能夠成為人氣女優都未必一定係身材高挑,好似牧野澪菜身形小巧,僅得4呎9吋,亦因為咁細粒,令胸前對C Cup美乳睇落更為豐滿更為突出喇!

佢吸引人嘅地方除咗身細胸大以及嫩白美肌,仲有樣子夠精靈俏麗,個鼻仲勾勾哋,睇落係咪好似一位日本藝能女王呢?冇錯!唔少寫真迷都話佢同北川景子好似樣,係迷你版北川景子喎!

拍片搞搞震

上年澪菜推出首張寫真DVD作品,不過其實佢喺2014年已經喺幕前演出,當年佢初次參演舞台劇,劇名叫做《老歌的初戀地獄》,而做舞台劇演員之前,曾經做過辦公室女郎,仲一邊工作一邊考咗好多專業資格,包括3級計算機實務檢定同4級作格檢定等等。可能有人會問,佢考咁多資格,唔通佢平日返工冇嘢做好得閒?與其話阿妹得閒,應該話佢好鍾意接受不同新嘗試多啲。

澪菜正式投身寫真界之後,拍寫真時固然會嘗試不同性感打扮演出,今年仲開設視頻頻道上載好多自拍片段,內容包羅萬有,例如試食不同杯麵、教授化妝技巧,甚至係示範點將家居進行改造,以及自製趣怪拐杖等,從中大家可以睇到澪菜真係好調皮可愛又鍾意整蠱做怪,確係幾得人鍾意!

牧野澪菜

年齡:25歲

身高:4呎9吋

三圍:32C-23-33

社交網站

牧野澪菜近期經常出現攝影會,仲會將部分照片上載到社交網畀大家欣賞,同時會分享最新工作消息,想了解阿妹多啲就要Click入去睇睇喇!

網址:https://twitter.com/reina_makino92

撰文:賢