機會主義者入得少唔收貨
回歸東方龍獅後，「謝朗」的首場比賽是去年10月初對陣夢想FC。該仗「謝朗」後備登場並射入一球，但他未有自滿，還謙稱：「落場之前都會同自己講一係有助攻，一係有入波，呢樣係我每次落場畀自己嘅目標。返嚟第一場上陣對夢想嘅時候，開波前同阿孝（曾至孝）講明，今場我會入波！」
別人眼裏以為謝朗軒講笑，但原來他非常認真，對每次起腳射門相當執着：「對夢想嗰場，雖然我入到一球，但對表現唔算滿意，我覺得唔可以用一個入球去掩蓋自己嘅不足。完場嗰陣諗番，起碼要入到兩球，因為我已經有3次起腳機會，而且次次都係對住龍門，呢個問題係需要改善，所以我對於自己現時嘅入波同助攻嘅數字都係唔滿意。」