夢想FC又贏上榜首

夢想FC上半場佔較多攻勢，29分鐘先開紀錄，馬高斯右路窄位傳中，林樂勤乘着敵衞解圍不遠第一時間抽射破網。富力R&F完半場前有基奧雲尼於左路犄角位附近起腳斜出，夢想半場領先1球。下半場富力換入高梵反撲，惟多番起腳未能扳平。夢想於尾段加強防守，讓新兵川瀨浩太首次上陣，戰至補時階段更幾乎拉開比數，後備登場的彭超然單刀起腳，未能射破富力門將陳梓榮十指關，夢想FC保住1比0戰局至完場。

富力R&F主帥楊正光賽後對球隊表現感滿意︰「我哋一直喺菁英盃都畀啲較少上陣嘅球員踢，而李卓翰受傷都有影響，始終曾通明今場首次踢正選，對佢嚟講會辛苦啲。我覺得班球員都好努力，輸球咁靚嘅世界波都冇辦法，最緊要球員冇因為輸波而氣餒，希望下場可以贏波爭取出線。」

小組兩連勝的夢想主教練梁志榮表示，希望下周的菁英盃能再下一城，及早鎖定出線資格，他同時盛讚Jordan表現稱職。至於繼省港盃後再成「關鍵先生」，林樂勤表示：「個波喺禁區入面，又係好順腳，好似省港盃入嗰球咁，所以決定抽埋去。」昨日適逢其20歲生日，他認為入球是最好的生日禮物。

陳焌鏗報道