咖喱兄弟三分大賽打對台

NBA全明星賽其中一個環節「三分球大賽」，今年將會上演「咖喱兄弟」內訌！效力勇士嘅史堤芬居里（圖右）日前接受《ESPN》訪問，證實佢同細佬施夫居里已答應參賽！今屆全明星賽喺夏洛特舉行，呢個地方亦係居里兩兄弟成長地，特具意義。昨晨「咖喱兄弟」各自上陣，史堤芬居里孭飛嘅勇士作客115比111擊敗塞爾特人，至於施夫居里亦有22分進帳，包括4個三分波，協助拓荒者主場120比111擊敗鷹隊。