湖人昨喺NBA作客加時134:138不敵火箭，曾領先21分下被逆轉，除勒邦占士未傷愈，波爾打到第3節更加足踝90度恐怖扭傷離場，暫時未知要抖幾耐，令人擔心湖人會入唔到季後賽。
古斯馬喺第1節爆Seed攻入20分，成為高比拜仁後首個單節得分20＋湖人球員，最後佢全場有32分、8個籃板同3次助攻，可惜波爾喺第3節傷出，佢喺分波嘅時候踩中對方隻腳拗柴，導致左腳足踝90度扭傷，行都唔得要工作人員扶走再送院。
衰開有條路，隨後湖人教練禾頓向球證投訴，連食兩個技術犯規被逐，結果占士夏登有48分、8個籃板同6次助攻，個人職業生涯第65次得分40＋，超越「大帝」勒邦占士位列現役球員第1位，帶領火箭喺加時贏波，而且夏登近3場攻入163分，全部都係自己嚟唔使隊友助攻。