休戰期幫到手理文惡鬥冠忠南區
今午2時30分上演的「中銀人壽香港超級聯賽」，有長達1個月時間備戰的理文，會假將軍澳運動場迎戰冠忠南區。
陳曉明︰狀態返番嚟
上場賽事已是上月初主場賽和夢想FC的理文，其巴西前鋒戴倫度因未能適應球隊要求，跟球會達成解約協議。主帥陳曉明表示，球隊在過去1個月讓球員重拾狀態︰「我哋季初比較多傷兵，呢4個禮拜算係畀球員重頭嚟過，等佢哋休息再操番起，球員依家嘅身體狀況算理想。」
談及今仗，「曉明Sir」強調球隊要先做好防守︰「之前對飛馬，一啲我哋認為係同級嘅對手，比較主動進攻時反令防守多漏動，所以我哋先要解決防守上嘅問題。南區今年踢得比較有效率，不過我哋之前對富力同東方等強隊，相對防守上都做得唔錯，都係咬住一球上落，所以最緊要防守上再做好啲，避免落後致進退失據。」
冠忠南區近兩仗分別於聯賽及菁英盃賽和香港飛馬及傑志，主教練鄭兆聰認為，理文有長達1個月的休戰期是他們的優勢︰「對住傑志和波係一個好好嘅戰果，對士氣必定有幫助，理文今季開局唔係咁好，但佢哋有1個月休息，對我哋嚟講並非好事。理文球員速度好快，所以我哋要好小心處理防守，希望做到一啲反擊攻勢。」季初作客佳聯元朗時骨折的高美斯，日前已返回塞爾維亞養傷，預計約1個月後便可歸隊復操。