富力R&F主場鍊佳聯元朗

由於富力早前要在5日內連踢2場，上仗出戰菁英盃作出大規模輪換，正選陣容僅得謝家強與梁諾恆繼續上陣。主教練楊正光昨日於賽前記者會透露，球隊有足夠人腳作輪換，從而避免傷患及球員過勞的情況出現，目前除寧安傷勢未愈之外，僅得謝家強有輕微受傷。

「光Sir」認難踢

儘管富力R&F上輪聯賽在衞冕的傑志身上全取3分，「光Sir」仍提醒球員不可掉以輕心︰「今年元朗有較多人腳調動，但反而佢哋喺攻守平衡、團隊精神同壓迫上都比以往做得好咗，反擊、組織同死球嘅入球數字都好平均，不過失球亦都有唔少。呢場波唔易應付，亦對我哋爭冠軍好重要。」

由於國際賽賽期及菁英盃輪空的關係，佳聯元朗在整個11月均沒有正式比賽，該隊為備戰今仗作客富力，提早於周二前往三水集訓，期間亦有跟當地球隊進行友賽。主教練郭嘉諾強調，今次集訓主要催谷球員狀態，同時亦要讓隊中的青年球員，為月尾的菁英盃賽事作好準備︰「富力對傑志場波我都喺現場，佢哋踢得好好，亦都值得攞3分，不過我哋唔會因為咁樣而驚。我嘅理念係對手愈強，挑戰性就愈大，不過我哋一班年輕球員係唔怕輸。」

何彥霆廣州直擊