陳7踢前鋒救番香港飛馬

同冠忠南區各一言和

香港飛馬今仗改由張春暉把關，冠忠南區戰至11分鐘先開紀錄，卡拉錫接應右路角球衝頂入網。力圖收復失地的飛馬，有祖連奴先後在34及37分鐘兩度攻門，惜未能為門將謝德謙帶來威脅，南區半場領先1比0。

飛馬下半場初段換入陳肇麒及艾華加強攻力，前者入替後先鎮守後防，其後重操故業打前，後者於62分鐘把握角球攻勢，接應祖連奴頭槌二傳近門跳頂，但被謝德謙單手托出底線。戰至86分鐘，主隊由陳肇麒接應利馬右路傳中頂入，雙方打成1比1完場。

賽後香港飛馬主教練陳浩然表示：「每次練波都會準備落後緊嘅踢法、陣容，要攻點樣攻，要守點樣守，球員完全知道要做咩，今場演繹得好好。」「陳Sir」又坦言不明白為何飛馬沒有球員入選香港隊，他指飛馬球員狀態、信心都準備好為港隊上陣，同時認為積施利近兩仗擔任防守中場的表現，值得入選香港隊。