理文和波梁嘉恆起孖搶鏡
昨假將軍澳運動場上演的港超聯賽事，作客的夢想FC憑尹東憲於完場前的入球，以2比2逼和有射手梁嘉恆梅開二度的理文。
理文前鋒梁嘉恆今場表現活躍，37分鐘接應隊友長傳於右路避過柏保路攔截入禁區施射破網，協助主隊帶住一球優勢入更衣室。
夢想FC逼和2比2
夢想FC換邊後56分鐘由馬高斯於右路禁區頂主射罰球死角入網扳平，不過理文2分鐘後再度領先，方栢倫左路入楔禁區，接應干沙利斯妙傳後，橫傳梁嘉恆門前撞射得手，將比數改寫為2比1。戰至85分鐘，客軍由尹東憲抽射入網扳平，雙方最後以2比2完場。
賽後理文主教練陳曉明表示：「我哋前場製造到唔少攻勢，梁嘉恆好努力入咗兩球波，但佢受傷要換，我哋冇其他前鋒選擇。其實我哋值得有3分，球員好大段時間踢得好好。」