名牌球星受難日 潮韋復出救唔番雷霆

韋斯布克喺第1節攻入11分，仲試過完成轉身後仰跳射後，做出抱仔動作疑似笑對手，可惜雷霆喺第2節開始被拋開分數，最後韋斯布克有32分、12個籃板同8次助攻，保羅佐治有29分、6個籃板同2次助攻，都阻止唔到雷霆3連敗。

同日，火箭作客以112比115不敵快艇，占士夏登有31分、4個籃板同14次助攻，但由於基斯保羅對湖人時捲入打鬥事件，被罰停賽2場缺陣，連累火箭輸波得1勝2負。至於有份打交嘅朗度同班頓恩格林，就分別停賽3場同4場，暫時唔能夠幫湖人比賽。

居里30分勇士仍輸波

另一場意外賽果，勇士作客以98比100不敵金塊，史堤芬居里繼續爆發有30分、4個籃板同6次助攻，但杜蘭特得20分、11個籃板同7次助攻，得分稍為下降，加上達美安鍾斯完場前籃底起手被封死，導致勇士2連勝斷纜。