愉園大捷續做1哥
昨午在蒲崗村道公園上演的香港甲組足球聯賽大戰，吸引大批球迷入場支持，愉園憑袁世傑、安度美斯和馬希卡歷各建一功，3比0勝出這場「經典對決」，聯賽6連勝續居聯賽榜首。
愉園開賽初段頻製造威脅，但多次攻門未能轉化成入球，南華亦非完全捱打，雙方互有攻勢，半場未有紀錄。換邊後戰況有變，愉園60分鐘收到回報，袁世傑接應張俊軒橫傳大腳抽入先開紀錄。南華隨即反撲，蘇友鈿及葛祖威先後起腳惟未能追平，愉園及後再由安度美斯及馬希卡歷破網大勝3比0而回。
李志豪：有啲感觸
愉園教練岑國培賽後坦言贏得辛苦：「南華表現好好，令我哋好多有經驗球員都好難應付場比賽。」他又指球員被氣氛所影響：「球員心急想贏波，影響咗部署，下半場中段都同佢哋講，唔好影響個節奏。」球隊豪奪6連勝，「岑培」期望球員能繼續有進步。現效力愉園的前港隊後衞李志豪表示：「始終踢咗南華咁多年，有啲感觸，南華所有人唔同晒，都係個新開始。」南華總教練潘耀焯滿意表現，又謂氣氛能令球員「精神啲」，同時明言南華現時目標以培育球員為主。
陳焌鏗報道