傑志和富大埔和氣收場

傑志開賽初段採取主動，8分鐘鞠盈智罰球直射被客軍門將李瀚灝撲出，華杜斯和林恩許先後補射都未得手。5分鐘後「藍鳥」中堅金奉珍右路施放「冷箭」，李瀚灝撲救甩手，打破缺口的傑志28分鐘再下一城，前克羅地亞小國腳泰迪接應長傳，避過出迎的李瀚灝射入空門，場邊觀戰的同鄉蘇加亦睇到眉飛色舞，在前輩打氣下泰迪31分鐘差點再有進帳，林恩許頭槌二傳，泰迪第一時間窩利僅越楣而出。落後的大埔憑反擊製造攻勢，後衞李家豪左路推入禁區勁射僅告高出，半場傑志領先2比0。

大埔調入勞高收奇效

下半場初段雙方多於中場爭奪，急欲收復失地的大埔調入勞高加強火力，至72分鐘大埔追回一球，勞高直線傳給哈利，後者射遠柱入網，4分鐘後大埔再有斬穫，中堅杜度接應角球頭槌建功，為球隊追成2比2。此時雙方均積極搶攻，但最終未再有入球，雙方踢成2比2各得1分。

蘇加	傑志2:2和富大埔 重返港超戰場的傑志華杜斯（右）演出落力。

華杜斯話要重新適應

重返傑志的華杜斯坦言：「我對賽果好失望，好多機會都把握唔到，亦太容易畀對手追和，如果你唔能夠終結比賽，無論對大埔定其他對手，都會畀佢哋追番。」回港後首場即擔任正選，華杜斯表示仍需從頭開始：「我要重新適應天氣同球場，因為香港嘅草地同歐洲完全唔同。」大埔主教練李志堅認為今仗成功追和有助球隊重回正軌：「追番兩球對我哋好重要，我哋今季有好多目標，有亞協有盃賽，我唔擔心球員能力，只係擔心佢哋信心。日子流流長，希望所有嘢攞得番！」

圖：何彥霆／文：陳焌鏗