冠忠南區乘勇撲擊和富大埔
今日「中銀人壽香港超級聯賽」頭場激戰，開季3戰全勝的冠忠南區火併和富大埔。南區因香港仔運動場早前受颱風「山竹」摧殘，暫時要將主場賽事移師旺角大球場舉行，主力前鋒高美斯上仗重創要缺陣至明年，但主教練鄭兆聰仍期望球員藉近期強勢，配合腳風頗順的「BMW」組合，每人多走一步下可向4連勝邁進！（on.cc東網周六下午2時30分直播）
冠忠南區開季豪奪3連勝，暫時於聯賽榜領導群雄，惟鄭兆聰強調不可自滿︰「喺港超冇話對手強弱之分，可能球隊班費會有啲差距，但老實講任何一隊都有機會失分，我哋最近作客對夢想同元朗都好難踢，只要少少犯錯就會得到懲罰，所以目前唔會有特定目標，只想每場比賽打好啲。」
鄭兆聰望球員出力延續氣勢
在「Mr.Right」高美斯缺陣下，預期南區會繼續倚重「BMW」這個攻擊組合，夏志明、迪亞高及蘇沙（Bullet+Martins+Wellingsson）3人今季已先後開齋，其中今場倒戈的迪亞高，近兩戰後備上陣合轟3球，近況「弗爆」。「Ricky」承認高美斯缺陣或有影響，但慶幸有足夠兵源調動︰「球員都明白球隊現時形勢係點，期望大家出多分力延續氣勢。」
和富大埔上周於社區盃惡鬥傑志，力戰至89分鐘才告失守飲恨，主教練李志堅認為表現已有明顯進步︰「防線上見到球員多咗溝通，防守算係重返正軌，可惜係哈利因鼠蹊部位感痛楚，驚佢有問題冇畀到佢落場，少咗個機會去考驗佢嘅能力，始終搵佢番嚟就係想球隊多啲變化。」
堅Sir：諗計嚴防倒戈迪亞高
對於今仗與南區合演前列大戰，「堅Sir」坦言要嚴防倒戈的迪亞高︰「聯賽頭幾隊實力差唔多，有好多嘢都係睇自己把唔把握到。睇番迪亞高呢兩場嘅表現都戥佢開心，佢無論表現同態度都係一個好球員，亦係一位難以應付嘅對手，部署上都要有啲諗法。」大埔今場除哈利上陣成疑外，杜度、趙少維及鍾偉強分別倦勤。
文：何彥霆