呂麗瑤：亞運銅牌冇添壓力

亞運奪銅的呂麗瑤（右）獲頒發獎狀致意。

為慶祝代表團凱旋，港協昨日於祝捷會上向每位獲獎運動員頒發獎狀致意，呂麗瑤席上不時面露笑容，心情明顯輕鬆，她透露自己亞運後有1個月「大假」，直至10月才會再次投入訓練，現時只是不停「食嘢同去旅行」，未來大計仍未有最終定案：「教練話等我放完假返運動場先傾，但仲有好多未知數，因為體院訓練場嚟緊會裝修，唔知要去邊度練。最近嘅大賽會係出年4月亞錦賽，之前教練安排咗好多圍繞亞洲地區嘅比賽去預備，預計第一、二槍都會喺香港出賽先，之後再到內地同較遠嘅地方比賽。」她亦補充「亞運銅牌」身份未有為她帶來壓力，現時目標仍是做好自己。

女劍客佘繕妡衝青奧

港隊昨日同時為下月6至18日於阿根廷布宜諾斯艾利斯舉行的第3屆夏季青奧運進行授旗儀式，今次香港會派出25位運動員參加9個項目，當中劍擊的青少年世界冠軍佘繕妡接連出戰亞運及青奧，儘管賽程頻密，她仍樂於面對新挑戰：「最大改變係自己點睇個比賽，亞運係成人賽，而青奧係青少年賽，自己點去調節會係新挑戰，心態要專注每一場，因為青奧我呢世人可能得一次，希望做自己想做嘅嘢，唔好令自己後悔！」未踏足過阿根廷的她亦笑言，早已聽聞當地風景優美及牛扒「好好食」，對今次比賽十分期待。

單車隊功臣李慧詩（後排右）與張敬樂（後排左）齊齊現身。

佘繕妡（右）期待於青奧再次為港爭光。

圖／文：袁志浩