謝鄧配勇闖混雙決賽

鄧俊文（左）與謝影雪勇挫中國強敵後，忍不住振臂歡呼。（王藝霖攝）

兩隊今年4月在世錦賽碰頭，當時「謝鄧配」以6比21及10比21慘敗。抱着再次衝擊對手的心態，鄧俊文和謝影雪昨仗眼神勁有火，首局就與對手高速來回對打，初段曾領先4分，惟對手實力強橫，曾經將比數逆轉，但港隊未有洩氣，先追至平手，及後更一口氣在「刁時」連取兩分，先拿下首局。次局比分仍然「咬住上」，但「謝鄧配」出現較多失誤，讓對手以21比19扳回一城。進入決勝局兩隊依然上演拉鋸戰，多次交互領先，港隊尾段表現出贏波決心和氣勢，兩次『刁時』後，鄧俊文最後以一球殺波完成賽事，二人即高舉雙手跪地慶祝！25日為港隊混雙歷史性奪牌後，鄧俊文和謝影雪昨日再創歷史，「阿雪」坦言全賴心態調校得好：「上次南京輸得太慘，所以今次決心好強烈，一定相信自己可以發揮得好。」

• 「謝鄧配」發揮超水準，進身今日羽毛球混雙決賽。（王藝霖攝）

遇「剋星」組合教練何一鳴有信心

在第兩局時鄧俊文曾發生「蝦碌」事件，有一球他以為已經得分，自己一個轉身慶祝，剩下謝影雪一人在場上奮戰，場面搞笑。雖然出現「蝦碌」，但他對今場表現極滿意：「冇諗過可以入決賽，開頭目標係4強，依家係意外收穫。」今日晚上二人將於決賽再硬撼另一中國組合鄭思維/黃雅瓊，雙方5次交手「左手配」只曾1勝，但總教練何一鳴信心十足：「過咗4強，決賽就好有信心，因為佢哋係冇壓力去打。」