為出線！鍊到盡！港隊再搶Ｗ撼巴勒斯坦

男足去仗於分組賽大炒中華台北4蛋，小組兩戰全勝穩守次席，今仗面對行軍快速的巴勒斯坦，主帥郭嘉諾盼球員打醒精神：「對方上仗技術性擊倒印尼，很放膽傳球予球員做單對單盤扭。加上我們由熱身賽到首仗對老撾，都是在球員受傷並打少一人下失球，去仗巴勒斯坦就是把握打多一人的優勢取勝，這些細節已可主宰比賽，要盡量減少這些情況的出現。」他強調現時仍以最佳第3名出線為目標，餘下兩仗最少需取1分，今場會利用死球優勢製造入球。

徐宏傑北漂添信心毋懼強敵

郭Sir續指今仗徐宏傑會擔任中堅，負責補位及阻止對方反擊，作為防線重心，「傑仔」笑言今仗每位對手都如隊友劉學銘般高大，但他強調自己經歷北漂後充滿信心：「在中甲的對手強度及節奏都很快，踢法像印尼及巴勒斯坦，上仗對中華台北我們零失球，在收起超齡球員後大家都有不俗發揮。」「傑仔」又稱有老將列斯奧提點，後場會更放膽用球，變成更全面。

港隊主帥郭嘉諾（右）接受傳媒訪問。	港女足劉蕊澄前日生日，職球員送上蛋糕慶祝。（香港足總提供）	雅加達塞車問題經常發生。（王藝霖攝）

女足挑戰中國望展示進步

至於女足今日出戰B組首場分組賽，晚上7時半於巨港與國足上演「中港大戰」，港隊操練多次受場地問題影響，主教練列卡度指：「球場出現兩隊同時租用的情況，結果我們被安排到較差的球場操練，情況有點混亂。」對手實力在港隊之上，列卡度期望球員能交出最好表現：「訓練時我們加強球員於面對傳中時的位置感，希望她們能展示進步。」

塞車塞到怕靠對腳穩陣

印尼搞亞運，塞車亂到暈！本報記者Iris同「魚翅」（Edmond）前日出發直擊亞運，一落機見到好多亞運裝飾同擺設，氣氛唔錯喎，點知之後就係連串噩夢！等行李等得耐係必然，上咗的士，司機首先問我哋拎錢入油，之後又停喺路邊話要影印收據，真係新奇有趣。加上當地「馳名」嘅大塞車，去到酒店已經用咗個幾鐘，落車嗰陣誠惠30幾萬－－印尼盾，約為港紙110蚊，都算抵搭。

尋日Iris同「魚翅」由酒店出發行去MPC（傳媒中心），短短嘅車程估計會塞成兩粒鐘，所以靠對腳穩陣。但印尼同香港好唔同，行人路同馬路基本係無分別，每幾秒就有一架車同你擦身而過，牙煙得嚟又搞笑。行咗大約半個鐘終於抵達目的地，位於Jakarta Convention Centre嘅MPC都幾大，因為聽日就開幕，各國媒體都開始湧到。中心門口仲有Coffee Shop畀大家忙碌中抖吓氣，算係唔錯。

大會翻譯機幫唔到忙

而印尼亞運組委會為聽日嘅開幕禮搞咗個Briefing，好「貼心」咁準備翻譯機幫大家翻譯印尼話，查實完全無用，講完一大段印尼話僅得一句英文或普通話，繼續聽到大家一頭霧水。