漂向自信人生帆船小子焗吔蕉爭佳績
作為運動員，除要嚴格監控飲食習慣外，隨時要「忍受」自己討厭的食物！饞嘴幾乎與香港帆船選手謝瑞麟（John）畫上等號，但原來他也有死穴：「我最討厭食香蕉，但喺帆船嘅訓練當中，需要進食大量碳水化合物，所以要不斷『食蕉』補充能量！」甘心「中蕉」，為的只希望在雅加達亞運獲取佳績！
距離雅加達亞運尚有12日，各參賽運動員都做足準備，迎接這項亞洲體壇盛事。來自綜援家庭的John，回憶起自己與帆船相遇的故事：「細個好曳坐唔定，冇諗過會成為運動員，接受咁有紀律嘅訓練，帆船令我成個人都定咗好多。而且小時候自卑感好強，成日會收埋自己，參加咗幾個帆船比賽後獲得成功感，先對自己有番啲信心。」帆船不但讓John敞開心胸，更教曉他積極面對生活中的挑戰與困難，成了他紓解壓力的良方。
轉項470為征奧鋪路
能夠代表香港出戰亞運，已經不是一件容易的事，John兩年前決定由項目420轉到470，背後還有一個更宏大的目標：「470係其中一個奧運項目，我想參加2020東京奧運，想喺嚟緊嘅資格賽攞到好成績，實現夢想！不過想去爭牌往往要苦練10年時間，我只係啱啱起步，仲有好多時間去進步，所以，唔急嘅！」John今次出戰亞運帆船470型項目，要面對中、日、韓等好手，他希望憑着穩定的心理質素，為他導航到海上的終點。
謝瑞麟資多啲
年齡：22
香港航海學校畢業
雅加達亞運參賽項目：帆船男子470型賽事
戰績：2014亞洲帆船錦標賽420型銀牌、仁川亞洲運動會男子420第4名
圖／文：伍靖華