王康傑感激如親人的團隊
「去年年尾，我媽咪走咗，自己嗰排嘅狀態又唔好，好彩有一班好隊友同好教練，全靠佢哋，我先可以繼續走落去。」年紀輕輕就要面對生離死別，香港網球運動員王康傑（Jack）幸有一班感情如「親人」般的隊友，陪伴走過高山低谷，終走出喪母之痛，下月迎來自己首個亞運會。
印尼雅加達亞運將於8月18日揭幕，打亞運是王康傑網球生涯的目標，這個目標終在2018年實現，這位大男孩心情當然興奮。回想去年底母親離世，Jack經歷過一段低潮時期，全靠網球隊中眾人扶持，他亦不禁感觸起來：「記得當時孖住黃俊鏗（Kevin）喺本地比賽，我發揮得唔好，但Kevin好有耐性咁一直帶住我打，教練都冇逼我，或者特別要求我做啲乜，畀時間我自己去調整。」雖然一直走來並非一帆風順，但隊友的陪伴及教練的諒解，令這顆耀眼的網球新星有機會站上亞運舞台。
「入到8強都開心」
Jack最近狀態火熱，在香港國際男子網球希望賽勇奪亞軍，下月的亞運並沒有為他增添太多壓力：「我只當亞運係一個普通比賽咁去打，只係我未參加過。當然佢同其他比賽唔同，因為我唔單止為自己而戰，仲着住代表香港嘅隊衣出戰，意義特別唔同。」
談到目標，年紀輕輕的Jack未敢太過進取：「當然想攞到牌啦，但都知道自己實力同一眾好手有距離，所以入到8強都好開心，希望領先時更加有決心，唔好鬆懈，盡力爭取最好成績！」
王康傑資多啲
年齡：19歲
項目：男子網球單打、雙打
威水史：2017年亞洲室內暨武術運動會男雙銅牌
文：伍靖華