同男友胡子彤前後腳出發 歐鎧淳：冇時間喺印尼拍拖！

今屆亞運會將有45個國家及地區，角逐共40個項目，港隊就由36個體育總會派出約800人的代表團參賽，當中香港「美人魚」歐鎧淳已是第3次出戰亞運，卻是首次參加50米自由泳項目，她坦言既期待又興奮：「我鍾意短途項目，因為50米比賽好快就完，每次可以快0.1秒已經係好大進步。其實每一次出戰大型運動會，都係用同隊友去玩嘅心態行先，加上今次第一項會係接力，可以幫到我放鬆同進入狀態。」「淳淳」亦肯定這次會是自己亞運的「最後探戈」，她指泳隊今屆增添不少生力軍，希望大家互相學習，給予小將開心經歷，讓他們繼續游下去。

帶埋飯煲但求有啖好食

不少傳媒都報道有關印尼「未Ready」的消息，「淳淳」指不擔心地震及天氣等因素，反而最驚「冇啖好食」，不過她透露自己及隊友有帶「飯煲」的習慣，即使情況再惡劣都「有飯食」。談及與胡子彤首次情侶檔戰亞運，她笑言未必能在當地拍拖：「我游完佢哋（棒球隊）都未到啦，我亦唔會有時間去睇棒球，因為我好忙呀！」而胡子彤就希望港棒球隊能衝擊最佳名次：「就算『中日韓台』實力超班，但其餘球隊實力相若，我哋近年成績有顯著進步，以第5名做目標！」

「跳高女神」楊文蔚備戰進入調整期。	Ceci等田徑隊成員於授旗儀式上大玩自拍。	香港游泳隊陣容鼎盛，誓要在雅加達力爭佳績。

楊文蔚當普通比賽唔緊張

至於楊文蔚（Ceci）首次體驗亞運，但這位「跳高女神」曾參加過世大運及亞室運兩項大賽，似乎已「看透世事」未感緊張：「未去到開幕，或者入運動員村，都唔係好緊張，自己有同教練傾心事，況且同呢班對手比賽過好多次，唔會有特別唔同，當係一個正常比賽，反而更舒服。」Ceci現時已減輕訓練量，8月初會到新加坡比賽作最後備戰，進入調整期的她笑指自己「肌肉大力咗又Fresh咗」，目標是避免因失誤而浪費好狀態，發揮水平已足夠。

雅加達亞運資料

日期：8月18至9月2日

參賽國家及地區：45個

今年新增項目：橋牌、滑翔傘、電競（表演項目）

香港代表團人數／參賽項目：約800人／36個

參賽次數最多港將：胡兆康（保齡球）、李嘉文（賽艇）各5次

港隊上屆成績：6金12銀24銅

圖/文：袁志浩