神童變元老胡兆康難忘16年前手震

16年前以第一代「保齡神童」初戰釜山亞運，轉眼間胡兆康已成「五朝元老」。回憶當年「康仔」坦言難忘：「第一次梗係坐唔安瞓唔落，比賽緊張到手震、望嘢都矇晒。之前『亞運』係一個心魔，一個衝破唔同嘅關口，但隨住自己經歷癌症同父親去世，學識咗輕鬆，唔好追求太完美，心態係去享受大型運動會，睇吓有冇驚喜。」

過去4屆胡兆康曾「穿銀戴銅」，唯獨欠缺金色。今屆他參與個人賽、3人賽及6人賽，去年尾夥拍麥卓賢與曾德軒在世錦賽歷史性奪金，倍添信心：「我同隊友賽前會商討戰略，希望擦出更勁火花。今次參加項目少咗，要衝金就要把握機會，希望3人賽開好個頭，最緊要打多啲全中！」

今次「車神」黃金寶亦以特別角色參與亞運，他會率領「Panasonic 18精英亞運之旅」的一班年輕小將到印尼交流，觀摩亞運賽事感受氣氛，為體壇的未來出一分力。