U23復操東方龍獅3將歸隊
將出戰亞運足球的香港23歲以下代表隊（U23），經過一星期休息後於明天復操，並在周三（8月1日）起程前往廣州集訓5天。
據臨時主教練郭嘉諾透露，效力東方龍獅的林嘉緯、姚浩明及謝朗軒亦會出席，其中原本要隨東方集訓的林嘉緯，已獲球會批准「免役」，讓他可以參與U23的操練︰「由於港超聯提早咗開始，東方原本想『嘉緯』隨隊去南韓集訓備戰，不過佢哋最終都肯放人，要多謝番東方！其實我同一直都有同『嘉緯』保持聯絡，佢對我哋嘅要求同踢法都有一定了解。」
勞烈斯分組賽有望復出
至於早前在泰國踢熱身賽時受傷的中堅勞烈斯，經磁力共振掃描後證實其足踝韌帶僅屬1級扭傷，有望於第3及4輪分組賽上陣，惟中場林樂勤的腿筋傷患則未有好轉，球隊亦已入紙補選安永佳作為替補。而目前身在廣州的陳俊樂，將於集訓期間與港隊會合。效力中甲球會梅州客家的徐宏傑，則要待至8月4日聯賽對延邊富德一戰之後才能歸隊。