車路士足校新方式育才行善

商場變課堂避日曬雨淋

自2009年成立開始，車路士足球學校（香港）一直為本地球壇培育新血。今年車路士足球學校（香港）（下稱「車校」）與D．PARK愉景新城合作，推出兒童室內足球班，本地著名球星兼車校技術總監山度士大讚是次合作計畫，笑言此舉讓家長無法拒絕足球：「好多家長驚喺室外踢波會曬，今次我哋喺室內搞足球班，唔會日曬雨淋，又有冷氣，佢哋就冇藉口唔畀小朋友踢足球啦！」而K11 Concepts Limited文化產業業務首席執行官葉兆康，盼望合作能為下一代出一分力：「D．PARK愉景新城以兒童及家庭為主題，我哋商場有40,000呎兒童玩樂空間，可以畀小朋友喺舒適、安全嘅環境學習足球，享受樂趣。另外，小朋友透過足球可以訓練到團隊合作精神，幫助佢哋全方位成長及發展。」

部分簽帳額作慈善經費

車校一直為慈善不遺餘力，不論探訪，還是義賣，一眾教練、家長及學員都熱心支持，為社會上有需要人士施以援手。今年車校更成功獲上海商業銀行的支持，推出「車路士足球學校（香港）白金信用卡」。為支持車校繼續服務社區，此信用卡客戶每月的簽帳中，將抽取部分金額捐予車校作慈善活動之經費。「山Sir」表示：「我覺得慈善一定要做，好多人真係要幫，我哋落區搞足球班，都係想畀多啲關懷佢哋，當然未必幫到所有人，盡我所能幫多一個就多一個人受惠。」上海商業銀行常務董事兼行政總裁郭錫志則稱：「我哋希望透過大眾嘅消費，去為車校提供額外資金，培育球員及回饋社區。足球可以令小朋友學識要付出先有回報，亦可以教導佢哋『勝不驕，敗不餒』嘅精神。唔單止小朋友，車校仲好支持及關懷長者，係一個好好嘅活動去發放正能量。」

愉景新城商場以兒童及家庭為主題，與車校培育青少年的宗旨不謀而合。

小學員於室內上堂，以後不怕日曬雨淋。

謝家榮回味車校日子

獲譽為港隊正選門將葉鴻輝接班人的謝家榮，回想在車校的日子時，難掩興奮之情。他認為在車校學法期間，是人生中最快樂的時刻：「青年軍嘅時候係最開心，因為大家都係一心一意淨係想踢波。我好開心入到車校踢波，如果冇入車路士，我諗未必踏上職業之路，青年軍生涯亦冇咁精彩，亦都未必去到英國球會貝利。」

學懂做人處世態度

作為車校畢業生，謝家榮亦感恩有過參與慈善的經驗，讓他學懂從別人角度出發：「以前都有去做慈善活動，可能起身嗰下會覺得辛苦，但去到見到人哋開門一刻係開心嘅，唔做善事真係唔會知人哋嘅苦況。之後我就會諗，如果我都好似佢哋咁，係咪都需要有人幫手呢？」車校不僅教導學員足球技巧，還教他們做人處世應有的態度，回饋社會。若車校能夠獲得各界支持，相信日後會有更多個謝家榮、林樂勤及林衍廷。

車校技術總監山度士大展球技。

謝家榮笑指在車校學法期間，是人生中最快樂時刻。