傑志新兵亮相開操迎挑戰！
去季勇奪港超、足總盃及菁英盃冠軍的傑志，昨午假沙田萬怡酒店舉行新聞發布會，並於賽馬會傑志中心進行新季首課操練。在新聞發布會上，主教練朱志光宣布羅致施素高、鞠盈智、中村祐人，以及克羅地亞前鋒泰迪（Josip Tadic）等新球員，而羅梓駿、林柱機亦會重披「藍鳥」戰衣。傑志開季前將進行最少5場熱身賽，包括下月於旺角場迎戰泰超勁旅武里南聯，以及越南聯賽球隊平陽。
朱Sir：鞠盈智會是好幫手
連續兩季成為「3冠王」，對於今季繼續稱霸港超的信心，「朱Sir」坦言：「其實有幾隊實力都提升咗，足球比賽如果話要做『長勝將軍』係一定有難度。」縱有難度，但他仍對球員充滿信心：「傑志優勢係球員嘅態度好好，同埋好了解我，好清楚我想點做。」在發布會上，「朱Sir」提及已留意新兵鞠盈智多年，認為他將是施素高的「好幫手」：「施素高係好典型嘅防守中場，佢做到好好嘅防守，搶到波之後我哋需要有人畀波好準，而鞠盈智就係呢類型，佢喺用波、轉邊都係相當準確。」
目前中堅艾里奧正在養傷，而列斯奧則需要為港隊出戰亞運，後防兵源捉襟見肘，「朱Sir」表示將給予機會年輕球員：「季初會有影響，但係上季好似李毅凱咁，佢喺亞冠比賽係好對辦嘅，我哋都要畀機會佢哋。傑志嚟緊都有目標，踢得好嘅年輕球員我哋要畀佢踢，好似鄭展龍同李毅凱咁，如果佢哋喺操練、比賽做得好嘅話我一定畀佢踢。」
本月29日先到南韓集訓
至於年輕球員方面，傑志一隊本季會有3名2000年或以後出生的球員，包括上季效力冠忠南區、出身自香港巴塞足球學校的于楊，以及傑志青年軍周衍丞、黃梓豪。總經理吳凱威透露，球會新一季班費大約3,500萬至3,600萬，但情況跟上季一樣，不會全部用於一隊。
「藍鳥」將於本月29日到南韓集訓，期間熱身賽對手包括首爾E-Land、安山及金浦。此外，8月18日和25日晚上8時將會在旺角大球場，先後迎戰武里南聯和平陽。對武里南聯的門票為160港元及特惠票40港元，而對平陽的門票則劃一160港元（當中4,500張門票於扣除康文署和足總徵費後，將全數撥捐中文大學骨科運動醫學團隊），兩場賽事均以每次付費收看（Pay per view）方式提供直播。