溫Sir：勝負次要‧情緒控制更重要
今年無家者世界盃香港代表隊教練一職，將由溫遠雄出任。參與無家者世界盃踏入第5年，歷年來讓「溫Sir」最深刻的，就是與一班球員同行參賽：「最深刻係要同佢哋經歷比賽，坦白講佢哋可能較少喺足球層面上接觸呢啲咁大型嘅國際性活動，甚至代表香港去外國同其他國家嘅人交流。透過呢個活動，等班球員知道有好多人支持，幫佢哋行返正路，所以佢哋都會好認真對待呢件事，絕對係幫助到自己。」
「溫Sir」除教授球員技術外，還希望他們學懂看輕勝負：「雖然我會教佢哋戰術、同走位配合，但更加重要嘅係情緒控制、對勝負嘅睇法。我好欣賞無家者世界盃，比賽場次多好多，去到外地，我哋有機會踢十幾場波，唔似平時嘅比賽一場過就算，相比之下，勝負變得其次，最重要係畀佢哋知道參賽嘅意義。」