占士狂轟44分騎士追和2:2

季後賽入球超越渣巴升No.1

整場比賽出現49次犯規吹罰，兩隊球迷都覺得球證偏幫對手，結果勒邦占士取得44分、5個籃板同3次助攻，仲喺第1節試過做出疑似開槍手勢，掃射對方後備席示威，即使路夫得9分、11個籃板同3次助攻，依然足夠騎士贏波。

除此之外，勒邦占士上陣41分鐘，全場28投17中，個人喺季後賽累積2,368個入球，超越天勾渣巴嘅2,356球，進佔歷史第1位。只不過，對手塞爾特人今年喺季後賽主場9連勝，到底大帝能唔能夠喺Game5帶領騎士作客贏波，仲好難講。

另一方面，謝倫布朗有25分、6個籃板同2次助攻，而且4個正選隊友全部有雙位數字得分，可惜都救唔到塞爾特人，特別係達頓自爆睇完已退役湖人巨星高比拜仁嘅電視分析節目25次後，Game3正負值跌到-11，Game4正負值跌到-14，表現反而差咗。