俗語有話：「芝加哥殺手，專殺自己友。」連自己友都要謀害當然天理不容啦，之不過，好友與好友之間除咗相親相愛嘅友情之外，其實亦可以存在競爭，大家互相鞭策互相進步，豈不是一件美事咩？好似渡邊幸愛咁，因為隊友風頭強勁，所以亦不再吝嗇，一於騷身材同對方撼過！
無論係日本寫真界定係AV界，童顏巨乳系女優往往都能夠輕易地取悅到觀眾，咁又係嘅，青春可愛，而且擁有一對誘人巨乳嘅女仔有邊個男人唔鍾意吖？喺日本寫真界，近年出現咗一位被稱為「千年一遇之童顏巨乳」嘅超優秀女優，名字叫做淺川梨奈，而最近就有另一位童顏寫真妹意圖同佢對撼，此妹同淺川梨奈感情要好，佢就係渡邊幸愛喇！
20歲嘅渡邊幸愛生得眼大大又精靈，形象雖然唔係特別活潑調皮，但係每當佢展露笑容時，就會散發出陽光氣息，比起淺川梨奈成日都好似憂心忡忡咁款，更加予人親切感。幸愛喺身材激凸程度方面係就係輸畀淺川梨奈，事關梨奈嘅無敵E奶實在太完美，不過幸愛嘅上圍都唔細，再者整副胴體比梨奈更為健美及修長，論整體吸引力，可以話各有千秋，學獎門人話齋：呢個回合打和！
渡邊幸愛喺就讀小學三年級嘅時候，加入童星藝能小組「REX」而展開舞台生涯，據講當年係幸愛嘅母親見到招募啟事，又見幸愛可愛又好動，所以帶幸愛去面試，結果成功被取取錄。家陣幸愛長得亭亭玉立，加入美少女組合「SUPER☆GiRLS」發展，而淺川梨奈就係其親密隊友喇！
對於梨奈，幸愛表示會視對方為好姊妹，同時亦係競爭對手，仲話早年見到梨奈喺寫真界以童顏巨乳新星之名打響名堂，認為自己都唔可以輸，所以近期努力做運動令身材變得更加弗，除咗跑步之外，每日都會做仰臥起坐收肚腩運動及勤力做美白保濕護理，希望將唔夠白滑嘅肌膚變得更加嫩白吸引。不過，幸愛話雖然希望可以喺寫真演出上用身材同梨奈對撼，但係大家感情依然相當好，仲會不時向梨奈請一點樣可以喺性感演出上加以改進添。
簡介：渡邊幸愛經常將工作及吃喝玩樂時拍低嘅照片同短片放上Twitter分享，大家Click上去就可以感受到幸愛嘅青春肉體以及活潑又討好嘅個性喇！
網址：https://twitter.com/sg_kome_avex
年齡：20歲
身高：5呎3吋
三圍：34-23-34
撰文：賢