一場波3破傑志暫時得佢哋 拚命派理文娛樂性爆燈
理文今季曾一度殺上前四，更於足總盃8強僅負港超冠軍傑志3比4，成為今季目前唯一法定時間內3度攻破傑志大門的港超球隊，頑強鬥志亦令人留下深刻印象。不過，理文教練馮凱文及林慶麟認為，未來目標是要「睇得又打得」，帶給觀眾精彩賽事之餘，最重要還是贏波，爭取好成績。
「今季表現都OK，問題是狀態起伏太大，有幾場波打得不錯，但往往就是贏不到。」教練馮凱文總結球隊今季表現時，感到大致滿意。今季巴西籍前鋒史提芬彭利拿大爆發，各項賽事轟入16球，成為球隊入球泉源，表現相當搶鏡。
馮凱文同意史提芬彭利拿回勇是今季其中一個驚喜之處，不過球隊仍有很多改善空間：「我們應盡量減少大意，今季後防一犯錯就失波。隊中的年輕球員是有潛質的，但心態要加強，無論場外場內都是。先由練習開始做好自己，到真正比賽才會打得好。」
未來目標睇得又打得
理文於足總盃8強對傑志先開紀錄，最終憑史提芬彭利拿梅開二度，以及謝朗軒的入球與對手踢成3比4，一場賽事3度攻破傑志大門，稱得上踢出今季代表作。林慶麟無奈笑言球隊「娛樂性」十足：「其實好多場入球都不少，季初3比2贏東方龍獅、對香港飛馬又2比3、菁英盃對和富大埔又踢成3比3，相信對球迷來說應該幾有娛樂性，但喺球隊立場，要『好睇』，同時都要有成績。 希望球員在『五五波』時，爭勝心可以更強，減少犯錯，因為結果輸波的話，所有努力都是白費。」
談到一班本地年輕球員表現時，「林Sir」認為要進步就要改善心態：「有部分年輕球員，季初位置仍未確定，例如『余沛』（余沛康），今季要他轉踢左邊，他都適應得幾好，助攻又防守。我希望所有年輕球員比賽時更集中，因為一個犯錯就會導致輸波。」理文最後一場聯賽將會迎戰R&F富力，力爭在主場將軍澳運動場贏波謝幕。
本周賽程
中銀人壽香港超級聯賽
5月13日（日）
冠忠南區 Vs 東方龍獅
香港仔運動場
下午2時30分
$80、$30（特惠票）
和富大埔 Vs 香港飛馬
大埔運動場
下午2時30分
$80、$30（特惠票）
標準流浪 Vs 夢想ＦＣ
深水埗運動場
下午2時30分
$80、$30（特惠票）
理文 Vs R＆F富力
將軍澳運動場
下午2時30分
$80、$30（特惠票）
傑志 Vs 陽光元朗
旺角大球場
下午2時30分
$150、$50（特惠票）
圖：陳焌鏗
文：余樂詩