on.cc東網今晚8時直播冠軍關鍵戰 傑志提前冧莊？問過香港飛馬先！
今晚「中銀集團人壽香港超級聯賽」於旺角大球場上演冠軍關鍵一役，由榜首傑志迎戰「2哥」香港飛馬，球迷隨時見證本季聯賽冠軍誕生！目前傑志領先香港飛馬8分，在聯賽只餘3輪情況下，今晚「藍鳥」只須和波，便足夠提早兩輪成功衞冕，究竟是「藍鳥」如願，或是飛馬力保冠軍夢，重磅大戰球迷拭目以待！（on.cc東網周五晚8時直播）
藍鳥1分夠完成任務
港超聯未嘗一敗的傑志，今仗只需1分便可提早奪冠。「藍鳥」本周日將前往南韓，備戰下周中亞冠盃煞科戰作客全北汽車，之後再迎來菁英盃對夢想FC的4強賽。傑志上仗於足總盃8強以4比3險勝理文，一對中堅列斯奧及艾里奧目前仍在養傷，幸盧均宜則已復操。主教練朱志光表示，會盡量在輪換球員上取得平衡，務求各人在各項賽事均能保持競爭力及狀態︰「始終球隊比賽太密，上場喺一啲需要跑動較多嘅位置，例如費蘭度都收起咗。不過個別球員都同我反映過，喺精神狀態方面要調校，上仗過程係有啲瑕疵，球員心理上覺得攰影響專注，最近都就呢方面去糾正。嚟緊亞冠作客南韓唔係去旅行，始終和波會幫到香港喺亞冠系數度攞到分，會向球員灌輸呢一點。」
楊正光：做好防守搵機會
「2哥」香港飛馬在各項賽事4連捷，狀態甚弗，上輪足總盃8強更是反勝強敵東方龍獅，主教練楊正光指士氣正盛：「我哋決心唔使懷疑，今晚雖然難踢，對方攞到分就封王，但在於我哋嚟講，每場比賽都係以贏波為目標！」聯賽首循環對決香港飛馬在先開紀錄下遭傑志逼和，「楊Sir」稱今場要先做好防守：「做好防守自然會有反擊甚至入球機會，始終傑志鋒力強橫，好似上場對東方咁，布防上比起聯賽輸畀東方嗰次好好多，我哋只要守得好就有機會贏波。」飛馬今仗雖有麥保美停賽，陳肇麒及林樂勤亦有傷，但「楊Sir」認為人腳足夠應付，不擔心影響部署。
文：何彥霆、陳焌鏗